நானே போயிடுறேன் கண்ணீருடன்

என்னை விட உன் மேல பாசம்
வைக்க யாருமில்ல
இது வரை நீ போட்ட வேஷம்
எனக்கு தெரிய வில்லை

நான் இல்லை என்று விலகும்
போது படிய வச்ச
உன்னை தேடி நான் வந்தப்ப
ஓடி ஒளிந்து கிட்ட

அப்போவே இது உனக்கு தெரியலயா
உங்க அப்பா அம்மா விரும்ப மாட்டாங்கனு
புரியலயா

என் வழியில் நானும் அப்போ போய் இருப்பேன்
என் வாழ்க்கை இது என்று தானே
நினைத்திருப்பேன்

அப்போ என் வாழ்க்கையை நீயே
முடிவு செஞ்ச
இப்போ தள்ளி விட்டு போறியே நான்
என்ன செய்ய

தேன் தடவின பேச்சால என்னை
மயக்கி வச்ச
இப்போ தினம் தினம் கண்ணீரில
என்னை நீ நனைய வச்ச

நல்லாயிரு என்று சொல்ல நான்
தியாகி இல்ல
நாசமா நீ போயிடுனு சொல்ல நான்
பாவியும் இல்ல

பாகா   

நீரை வீணாக்காதீர்

நான் இன்றி இங்கு எந்த உயிருமில்லை
எனை காணாத எவரும் இவ்வுலகில்
இல்லை


நீர் தானே என்று நீ வீணாக்கினாய்
உன் எதிர்கால வாழ்க்கையை தெரிந்தே
பாழாக்கினாய்


மேகத்தில் இருந்து தான் பிறக்கும் நேரம்
உன் தாத்தாக்கள் என்ன செய்தார்கள்
அந்நேரம்


வீட்டு மாடத்தில் பாத்திரங்கள் திறந்து வைப்பர்
என்னை துளி கூட ஒதுக்காமல் நிரப்பி
உபயோகிப்பர்


நீ இன்று என்னை இப்படி கண்டதுண்டா
நான் சாக்கடையில் கலப்பதும் ஏன்
உனக்கு புரிவதுண்டா


எல்லாமே நீ செய்யும் தவறு மனிதா
உனை நீயே திருத்திக்கொள் உயர்வு
மனிதா

உன் தலைமுறைக்கு இருப்பதால் வீணடிக்கிறாய்
உன் எதிர்கால சந்ததியரின் வாழ்வை
சீரழிக்கிறாய்



பாகா

துணிந்து எழு

துரோகிகள் நம்மை சூழ்ந்து முதுகில் குத்தும் நேரம் 
கிழிந்து போகும் காகிதம் போல் அல்லாமல் 
நெருப்பை உமிழும் எரிமலை போல் பொங்கி எழ வேண்டும் 

நம்மை பிரித்தாளும் துரோகிகளை இனம் கண்டுகொண்டு 
தனி தனியே பிரிந்து விழும் நூலைப்போல் இல்லாமல் 
ஒற்றுமையாக இருந்து ஒளிகொடுக்கும் திரியை போல் 
சேர்ந்து பிரச்சனையை எதிர்கொள்ள வேண்டும் 

மக்களுக்கு சேவகம் பார்ப்பதற்கே அவர்கள் வேலை 
ஆனால் அதிகாரம் கொண்டு ஒடுக்க நினைத்தால் 
துணிந்து எழுந்து நியாயமான எதிர்ப்பை காட்டுங்கள்  

மாணவப்பிஞ்சுகளே நம் தேசத்தின் தூண்கள் 
குழந்தைகளை மனமுடைய செய்யும் அதிகாரவர்கத்தை ஒடுக்கி 
அனைவரும் சேர்ந்து பாடம் புகட்டுங்கள் 

அதிகாரம் நாம் கொடுத்தது என்பதை அவர்கள் செவிப்பறை 
கிழிய சொல்லுங்கள் 
உங்கள் கோபத்தை அணைய விடாமல் நெருப்புக்கு 
ஆக்சிஜென் கொடுப்பது போல் கோபத்தை அணையாமல் 
கொழுந்துவிட்டு எரிய பார்த்துக்கொள்ளுங்கள் 

அவர்களை செய்யும் தக்க நேரம் வரும் அப்போது மறக்காமல் 
மன்னிக்காமல் செய்யுங்கள்  பிஞ்சின் மனம் சாந்தி அடையட்டும்...

பாகா  

நெல்மணி

மண்ணில் புதைத்து வைத்தாலும்  
நானும் திமிறி எழுந்தேன் உங்களுக்காக 

நான் வளரும் பருவ காலம் பல 
இயற்கை மருந்துகளை கொடுத்து வளர்ந்தேன் 

இப்போது பல செயற்கை மருந்துகளை 
கொடுத்து என்னையும் மண்ணையும் கெடுத்தார்கள் 

எங்கள் பலன்கள் குறையத்துவங்கியதும் 
எங்களை குறை சொன்ன மனிதர்கள் 
இது அவர்களின் தவறு என்று உணரவில்லை 

எங்கள் பருவ காலம் முடிந்து 
அறுவடை காலத்தில் அறுவடை செய்வார்கள் 

எங்களை பிரித்தெடுத்து அடித்து 
சகோதர சகோதரிகளை தரம் பிரித்து வைப்பார்கள்

நாங்கள் பிறந்த வீட்டில் இருந்து 
புகுந்த வீட்டுக்கு செல்வதை போல் நாங்களும் 
தயாராவோம் 

நாங்கள் இவ்வளவு தூரம் கடந்து வந்து 
எங்களை சாப்பிடாமல் வீணடிப்பார்கள்

உங்கள் வீட்டில் நாங்கள் வந்தால் எங்களை 
வீணடிக்காமல் இயலாதவர்களுக்கு கொடுங்கள் 
இப்படிக்கு 
உங்கள் நெல்மணி 


பாகா   

வாழ்க்கை ஒரு பயணம்

முடிவில்லா பயணத்தில் வழியறியா 
பல பாதைகள் 

பாதைகளின் வழி நடுவே பார்த்திடாத 
பல முகங்கள் 

பார்த்து பழகிய சில முகங்களின் மனங்களில் 
மாட்டிய பல முகமூடிகள் 

எது நம் பாதை என அறிவதற்குள் தடுமாறும் 
பல வழித்தடங்கள் 

வெற்றியை நோக்கி நெருங்கும் வேளையில் 
வரும் பல தோல்விகள் 

தோல்வி தான் வரும் என்று நினைத்த வேளையில் 
வரும் பல வெற்றிகள் 

நாம் நினைத்த இடத்தில் இறங்க வாழ்க்கை 
பேருந்து  இல்லை 

காற்றடித்து காற்றின் திசையில் பறக்கும் காகிதம் போல் 
சூழ்நிலை உருவாக்கும் பாதையில் நம்மை அறியாமல் 
செல்வதே நம் வாழ்க்கை பயணம் 

பாகா   

நான் தான் பொய்

நான் இல்லாமல் எவருமே இல்லை 
இவ்வுலகில் 
நன்மைக்காகவோ அல்லது தீமைக்காகவோ 
என்னை உபயோகப்படுத்துவர் பலர் 

என் மீது பயம் கொண்டவர் சிலர் 
அதனால் அவர்கள் வாழ்வில் அடைந்தனர் 
நல்ல பலன் 

நேர்மைக்கு எதிரானவன் நான் 
உண்மைக்கு புறம்பானவன் நான் 
நான் ஒரு முறை உங்கள் வாழ்வில் வந்தால் 
பன்மடங்கு பெருகி வரும் பிரச்னைகள் 

நான் யார்? நான் யார்? 
நான் தான் பொய் 
எனை கொண்டவர் எவரும் இவ்வுலகில் 
உயர்ந்தவரில்லை 

என்னை உணர்ந்து திருந்தியவர் இவ்வுலகில் 
தாழ்ந்தவர் இல்லை 
பொய் கூறி அதை உணர்ந்து திருந்தியவர்களை 
மறந்து மன்னியுங்கள்!!


பாகா  

தனிமை ஓவியா

தனிமை என்ற இன்பத்தை நீ இன்பமாக 

விரும்பினால் அது ஒரு போதை 

மற்றவர்கள் உன்னை அந்த நிலைக்கு தள்ளினால் 

அது உன் வாழ்க்கை வெற்றிக்கான பாதை 

எல்லாருக்கும் நீ செய்வது தவறாகவே தெரியலாம் 

உன் மனதை கேள் அது உண்மை சொல்லும் 

கூடவே  இருந்து நம் உழைப்பை உறிஞ்சு எடுக்கும் 

ஒட்டுண்ணி தாவரமாக இல்லாமல்  தனி ஒரு 

மரமாக நிலைத்து நின்றாய் 

பிறர் போல் நீயும் வாயில்  வந்தவற்றை பேசாமல் 

நல்லதையே பேசும் பொறுமை கொண்டாய் 

பிறர் படும் துன்பத்தை நீ கண்டு துடித்தாய் 

நீ படும் துன்பத்திற்கு யார் ஆறுதல் கூற 

என்று தவித்தாய் 

எது சரி தவறு என்பதை பட்டென சொன்னாய் 

அம்பு போல் உன் உள்ளம் தைத்தவர்களை 

உன் அன்பினாலே வென்றாய் 

எவ்வளவு தான் கஷ்டம் வந்தும் உன் புன்னகையை 

கொண்டு வென்றாய் 

உனக்குள்ளும் உணர்வு உள்ளது என்பதை 

கண்ணீரிலே சொன்னாய் 

குழந்தை போல் நீ எல்லார் மனங்களையும் வென்றாய் 

பல பொன்மொழிகள் எனக்குள் உண்டு நான் 

குழந்தை இல்லை என்றாய் 

அழகு என்றால் புற அழகை என்று சொல்லும் சில பேர் 

இன்று உந்தன் மனஅழகை கண்டு வியந்து நின்றார் 

ஓவியா என்று நீயும் உன் பெயரை சொன்னாய் 

நம் வாழ்க்கை நாம் வரையும் ஓவியம் என்று எங்களுக்கு 

சொன்னாய்.....! 

 பாகா 

கஷ்டப்படாமல் இருக்க கஷ்டப்படுங்கள்

கஷ்டப்படுத்து கஷ்டப்படுத்து
உன்னை நீயே கஷ்டப்படுத்து 

பிறர் வந்து துன்புறுத்தும் முன்னே 
உன்னை நீயே கஷ்டப்படுத்து 

நன்மை உந்தன் வாழ்வில் எந்நாளும் 
கிடைக்க தினமும் உன்னை 
கஷ்டப்படுத்து 

கஷ்டத்தை நீயும் இஷ்டமாக்கி கொண்டால் 
எதிர்காலம் உனக்கு பொற்காலமாகும் 

உன் தலைமுறை என்றும் நன்றாக வாழ 
அனுதினமும் உன்னை கஷ்டப்படுத்து 

இளமை பருவத்தை வீணாக்காமல் 
முழுவதுமாக உன்னை கஷ்டப்படுத்து 

வரும்காலத்தை உந்தன் வசமாக்கி கொள்ள 
உன்னை மிகவும் கஷ்டப்படுத்து 

முதுமை காலத்தில் உன்னை யாரும் 
கஷ்டப்படுத்தாமல் இருக்க இப்பொழுதே 
உன்னை கஷ்டப்படுத்து 


பாகா 

அமைதி போராட்டம்

இயற்கை என்பது பொதுவானது 
இயற்கைக்கு சொந்தம் கொண்டாட ஒருவரால் முடியாது 

அனைவர்க்கும் சமமானதே இயற்கை 
நம் வளங்களை நாமே காக்க வேண்டும் 

காக்க வேண்டியவர்கள் தவறினால் 
நாம் நியாபகப்படுத்துவதில் 
தவறில்லை 

கிடைக்க வேண்டிய அடிப்படை தேவைகளை
கேட்டு பெற்றால் நலம் 

போராடி பெற்றால் பொதுநலம் 
எடுத்துக்காட்டான அமைதி போராட்டத்தை
முன்வையுங்கள் 

உங்களை ஒடுக்க வருபவர்களை 
அமைதியோடு புரிய வையுங்கள்

அவர்கள் அறியாமையில் துன்புறுத்தினால் 
அவர்களையும் சேர்த்து துன்புறுத்தாமல் 
அவர்களுக்காவும் போராடுகிறோம் என்பதை அவர்கள் 
மனதில் பதியுங்கள் 

தன்னை கொளுத்தினால் அவர்களையும் சேர்த்து 
 கொஞ்சம் கொஞ்சமாக கொல்லும் 
சிகெரெட்டை போல் அல்லாமல் 

தன்னை  கொளுத்தினாலும் உங்களுக்கும் சேர்த்து  
ஒளியை தருகிறேன் என்று சொல்லும் மெழுகுவர்த்தியாய் 
இருங்கள் 

அமைதிப்போராட்டத்தின் வெற்றி சத்தம் 
ஒரு நாள் விண்ணை முட்டும்  


பாகா 

விவசாயியே கடவுள்

இவ்வுலகில் எனை படைத்ததற்கு 
கடவுளே என்னை மன்னித்து விடு 

இவ்வுலகில் அனைவரும் என்னை விரும்பும் 
வரம் கொடுத்ததற்கு கடவுளே என்னை 
மன்னித்து விடு 

ஜாதி மதம் என்று என்னை பாராமல் 
அனைவர்க்கும் கொடுத்ததற்கு கடவுளே 
என்னை மன்னித்து விடு 

உன்னை நீ பட்டினி போட்டு என்னை 
இவ்வுலகில் வளர்த்ததற்கு கடவுளே  
என்னை மன்னித்து விடு 

உன் கண்ணீரை நீராக்கி எனை 
ஊட்டி வளர்த்ததற்கு கடவுளே 
என்னை மன்னித்து விடு 

கடவுளுக்கு மரணம் கொடுத்த எங்களை 
மன்னித்து விடு கடவுளே மன்னித்து விடு 

பயிர்களாகிய எங்களை இவ்வுலகில் 
கொண்டு வந்த விவசாயிகளே நீங்கள் தான் 
எங்களுக்கு கடவுள் 

எவரும் உங்களை நினைக்கவில்லை 
என்று கவலை கொள்ளாதீர்கள் 
பயிர்களாகிய நாங்கள் இருக்கும் கடைசி 
மணித்துளி வரை உங்களை நினைத்திருப்போம் 
கண்ணீருடன்....?!

கடவுள் = விவசாயி 

பாகா 

காகிதம் மேல் பேனா காதல்

என் இதழால் உன் உடம்பை 
தொட்டு வருடிய அந்த அழுத்தங்கள் 

என் எச்சில் முத்தங்களால் உன் 
உடல் முழுவதும் உள்ள தழும்புகள் 

உன் தழும்புகள் பார்ப்பவர்கள் 
கண்களுக்கு விருந்து படைக்கும் 

நம் காதலை இந்த உலகம் 
காதலிக்கும் 

நம் காதல் பல காதலர்களை சேர்த்து 
வைக்கும் மொழி 

என் உயிர் பிரியும் நேரக் கடைசி நொடியில் 
உன் அழுகை மொழியில் 
உன் உடம்பில் ஏற்படுத்துவாய் காயம் 
நான் போனால் என்ன நீ வாழ்வாய் 
இவ்வுலகில்  பல்லாயிரம் ஆண்டுகள் அந்த 
சந்தோசத்தில் நான் போகிறேன் இவ்வுலகை விட்டு....!

பாகா  

தூக்கம் தொலைத்தேன்

விழிகளில் தூக்கம் வரவில்லை 
மனதினில் பாரம் ஒன்று 
இருப்பதினால் விழிகளில் தூக்கம் 
தூரம் விலகிப் போகிறது 

கண்களின் கண்ணீரை கைகளில் 
துடைப்பேன் 
மனதினில் கண்ணீரை எவ்வாறு 
துடைப்பேன் 

இமை என்ற கதவை கண்களுக்கு 
கொடுத்தான்  
மனதிற்கு கதவை கொடுக்க 
மறந்து விட்டான் இறைவன்!

பலநாள் தூக்கத்தை தொலைத்து 
விட்டேன் 
மனதின் குழப்பத்தால் என்னையே 
எனைத் தேடுகிறேன் 

கடவுள் என்னிடம் வரம் கேட்டால்  
மனதில் திரை எனும் ஒரு அணை 
போடாக கேட்டிடுவேன்..!


பாகா 

ஏன் இந்த உணர்வு

தோற்று தோற்று விழுகிறேன் 
இருந்தும் தோல்வி எனக்கு 
பழகவில்லை 

பயந்து பயந்து வாழ்கிறேன் தினமும் 
இருந்தும் பயம் எனக்கு 
பழக வில்லை 

என் மனம் எதையும் நாடவில்லை 
எனக்கு எதன் மேலும்
நாட்டம் இல்லை 

நெஞ்சிற்குள் நான் எதையும் 
நினைக்கவில்லை ஆனால்  சில 
நினைவுகள் என்னை விடுவதில்லை 

காயங்கள் எதுவும் பெற்றதில்லை 
ஆனால் வலியில்லா உணர்வு 
என்றும் எனக்கு இருந்ததில்லை 

வாழ்க்கையில் எதையும் தொலைக்கவில்லை 
ஆனால் என் கையில் 
எதுவுமே இல்லை 


பாகா   

பசி

பணம் கொட்டும் மனிதர்களிடம் இல்லாத
ஒருவன் நான்

நான் இருக்கும் இடத்தில் நோய்கள்
அண்டாது

பணம் படைத்தவர்களிடம் இல்லாத நான்
ஏழைகளின் வீட்டில் அன்றாடம் இருப்பேன்

 
நான் ஏழைகளின் சாபம்
பணக்காரர்களுக்கு நான் ஒரு வரம்!!!

என்னை ஒழிக்க பல தலைவர்கள் வந்தாலும்
உலகளாவி நான் பறந்து விரிந்திருக்கின்றேன் 

இன்னுமா என்னை தெரியவில்லை
நான் தான் பசி..!!

பாகா 

திங்கட்கிழமை

நேரத்தின் நேரமும்  காலத்தின் காலமும் 
சூழ்நிலையை வைத்தே அது வேகமா செல்கிறதா 
இல்லை தாமதமாக செல்கிறதா என்பது 

நமக்கு பிடித்த தருணங்கள் அனைத்தும் 
வேகமாக செல்வது போலவும் 
நமக்கு வேதனை அளிக்கும் தருணங்கள் 
தாமதமாக செல்வது போலவும் தோன்றலாம் 

அது கால நேரத்தின் தவறு அல்ல 
நம் மனநிலையை பொறுத்தே அமையும் மாயாஜாலம் 

உதாரணமாக திங்கள் முதல் வெள்ளிக்கிழமை வரை 
ஆமை போலவும் 
வெள்ளிக்கிழமை இரவு முதல் ஞாயிற்றுக்கிழமை இரவு வரை முயல் போலவும் 

ஒரு மாயாஜால மனநிலையை நமக்கு கொடுக்கின்றன 
வரவேற்போம் திங்கட்கிழமையை சந்தோச மனநிலையுடன்......!

பாகா 

நீ என் பேரழகு

காற்றடித்து பூவில் இருந்து இதழ்கள் பிரிந்து 
விழும் அழகை விட 

அன்பே நீ இதழ் சுளித்து என்மேல் காட்டும் 
கோபம் மிக அழகு 

மலையில் மறைந்து மறைந்து செல்லும் 
மேகக்கூட்டங்களின் அழகை விட 

அன்பே என் மனதில் வந்து வந்து போகும் 
உன் முகம் மிக அழகு 

திடீரென வந்து எனை நனைக்கும் மழையின் 
அழகை விட 

நீ தரும் நொடிப்பொழுது முத்தமழையில் 
நனைந்திடுவது மிக அழகு 

என் நிழல் போல் நீ என்னை தொடர்ந்து வருவதே 
என் வாழ்வில் நான் செய்த பேரழகு 

பாகா 

துவண்டு விடாதே

வாய்ப்புகள் வரவில்லை என்று இருள் 
சூழ்ந்ததைப் போன்று எண்ணாமல் 
முயற்சி என்ற ஒளிவிளக்கை 
எப்போதும் உன்னிடம் வைத்துக் கொள் 

மரத்தைப் போன்று உடைந்து விடாதே 
தோல்வி என்ற காற்று உன்னைத் 
தாக்கும் பொழுது 
பசும்புல்லைப் போல் வளைந்து கொடுத்து 
வெற்றிகளைப் பிடித்துக் கொள் 

துன்பம் வரும் பொழுது கண்ணீர் விட்டு அழு 
ஒரு மெழுகுவர்த்தியைப் போல் 
மெழுகு போல் உன் உழைப்பை உருக்கி 
வெளிச்சம் என்ற இன்பத்தை உன்னை 
நம்பியிருப்பவருக்கு கொடு 

உன்னை நம்பு உன்னை நம்பியிருப்பவர்களை 
நம்பு நம்பிக்கையாய் வாழு.....!

பாகா 

நேர்மறை எண்ணம்

பிரச்சனைகளே வாழ்வாய் 
இருந்த எனக்கு சந்தோசம் 
எனும் தீர்வாய் வந்தாய் 

பயந்து பயந்து வாழ்ந்த 
என்னை தைரியமாக 
வாழ வைத்தாய் 

எதிர்காலத்தை பயந்து பார்த்த 
என்னை நிகழ்காலத்தை 
நினைத்து சந்தோசம் கொள்ள வைத்தாய் 

கெட்டதே நடக்கும் என்று நினைக்கும் 
என் மனதை நல்லதே நினை 
என்று நினைக்க வைத்தாய் 

இறுதி வரை நீ என்னுடன் வரவேண்டும் 
என் உயிர் இறக்கும் வரை நீ 
என்னுடன் வர வேண்டும் 

நல்லதையே நினைக்க வைத்த நீ 
என்னுடன் இறுதி வரை வருவாய் 
என்றே எண்ணத் தோன்றுகிறது...! 

பாகா 

காதல் பயம்

இது சாத்தியமா என்று நினைக்கையிலே 
நம் மனதில் உள்ளதை கூறி விட்டோம் 

இரு உயிர்களாய் இருந்த நாம் 
ஓருயிர் ஆகி விட்டோம் 

நீ நான் என்று இருந்த நாம் 
நாம் என்று ஆகிவிட்டோம் 

பார்வையிலே என்னை சீண்டி விட்டாய் 
என் மனதை ஏனோ தூண்டி விட்டாய் 

சிரிப்பினில் என்னை கொன்று விட்டாய் 
அதில் தினம் தினம் எனை திணறடித்தாய்

குழந்தை போன்ற முகத்தை கொண்டு 
குழந்தை போல் எனை பாதுகாத்தாய் 

உன் மூச்சுக் காற்றில் உயிர் வாழ்கிறேன் 
நீ இல்லையேல் நான் ஏனோ வாடுகிறேன் 

வேண்டும் நீ எனக்கு என் வாழ்வில் 
உன் அரவணைப்பில் நான் இவ்வுலகில் 
வாழ வேண்டும் 

நம்பாத போது வராத பயம் 
நம்பும் இந்த நேரத்தில் ஏனோ 
ஒரு இனம் புரியாத பயம் 

வருவாயா என்னுடன் என் வாழ்நாள் முழுவதும் 
இல்லையேல் என் உயிர் மடியும் உன் மடியில்.....

பாகா  

பெண்ணின் சொல்லாத காதல்

கண்டுவிட்டேன் இன்று உன்னை 
என்னுள் என்னை நான் புதிதாய் 
கண்டேன் 

மிக அருகில் நீ இருந்தும் இத்தனை நாள் 
எங்கோ உனை தினம் தினம் 
தேடி அலைந்தேன் 

என்று என் வாழ்வில் நீ வந்தாயோ 
அன்று என்னையே நான் அழகாய் 
கண்டேன் 

எனக்குள் நீ துளித்துளியாய் கலந்து விட்டாய் 
உன்னைப் பிரிக்க இனி என்னாலும் 
எந்நாளும் முடியாது 

ஒரு வேளை நீ பிரிந்து போனாலும் 
என்னால் உன்னுடன் இருந்த நினைவுகளை 
அழிக்க முடியாது 

நண்பனாய் இருந்த நீ என் 
மனதுக்குள் எப்போது காதலை விதைத்தாய் 
நீ என்னுடன் என் வாழ்வில் வந்தால் 
என் வாழ்வு சிறக்கும் 

ஆனால் அது சாத்தியமில்லை 
உன்னைப் போன்று ஒருவனை நான் 
இனிமேல் காண்பேனா என்று தெரியவில்லை 

ஆனால் உன் வாழ்வில் நீ நினைத்ததை 
அடைய இறைவனை வேண்டுவேன் 
என் உயிர் மூச்சு நிற்கும் வரை.........

பாகா 

தமிழ் புத்தாண்டு 2017

மண்ணில் பிறந்து பிறந்த மண்ணை தெய்வமாய் வழிபட்டு 

மண்ணிற்கு வளம் சேர்த்து
மண்ணை மட்டும் குளிர வைக்காமல் 
மக்களின் வயிறையும், மனதையும் 
குளிர்வித்து

ஒவ்வொரு நொடியும் உலகில் எங்கெங்கும் உள்ள உயிர்கள் 
பசியாறும் வண்ணம் உழைக்கும் மண்ணின் நாயகர்கள்
விவசாயிகளுக்கு நல்லதொரு பத்தாண்டாய் அமையட்டும் 

இனிய தமிழ் புத்தாண்டு 
நல் வாழ்த்துக்கள்

பாகா

சூரியனின் சிரிப்பு

நான் சுட்டெரிக்கும் அனல்
என்றுமே கொதிக்கும் தணல் 

சுட்டெரிப்பது என் குணம் 
இன்று நேற்றல்ல கடவுளின் படைப்பில் 
நான் பிறந்ததிலிருந்து

கோடை வரும் பொழுது எல்லாம்
அனைவரும் என்னை கரித்துக்கொட்டுகிறீர்கள்
மரங்களை வெட்டி மனைகளாக்கியது நீங்கள்
ஆனால் பழி என் மேல் 

நான் எதையும் மாற்றிக் கொள்ளவில்லை 
பூமியை இஷ்டப்படி பாழாக்கியது நீங்கள்
எப்பொழுதும் ஒரே மாதிரி கொதிக்கும்
என் பண்பில் நான் அணு அளவும் மாறவில்லை

எங்கும் எதிலும் மாற்றம் என்ற வார்த்தையை 
வைத்துக் கொண்டு இஷ்டப்படி மாற்றினீர்கள் பூமியை
சந்தோசமாக கஷ்டப்பட கற்றுக்கொள்ளுங்கள்

இனியும் திருந்தாவிட்டால் உங்கள் அழிவு
நிச்சயம், மக்களே விழித்தெழுங்கள் 
ஒவ்வொருவரும் உங்களால் முடிந்த அளவு
மரங்களை நடுங்கள் உங்களை காப்பாற்றிக் கொள்ளுங்கள்.......!!!

பாகா

பிரிந்து செல்வாயோ

என்று நான் உனைப் பார்த்தேனோ 
அன்று நீ என் மனதில் பதியவில்லை 

என்று உன்னுடன் பழகினேனோ 
அன்றே என் கண்களுக்குள் வந்து விட்டாய் 

உன் நகைச்சுவையான பேச்சில்
என்னை அறியாமல் மயங்கினேன் 

நீ என்னுடன் இருக்கும் ஒவ்வொரு நொடியும் 
இந்த உலகையே என் கைக்குள் கொண்ட 
சந்தோசத்தை உணர்ந்தேன் 

ஒரு நாள் உனை பார்க்காவிடில் 
இந்த உலகையே வெறுமையாய் 
நான் உணர்ந்தேன் 

பார்த்து பழகி என் மனதில் குடிவந்த 
நண்பனே உன்னை மிகவும் பிடிக்கும் 

பிடித்தவை எல்லாம் எனை விட்டு பிரிந்து போகும் 
வரம் எனக்கு நீயும் என்னை விட்டு 
பிரிந்து விடுவாயோ நண்பனே......!


பாகா    

என்ன தவறு செய்தேன்

என் நிழல் போல் தொடர்ந்து வந்த நீ 
தீடிரென்று தோன்றி மறையும் மேகங்கள்
போல் ஏன் மறைந்தாய் 

என்னிடம் பேசிப் பேசிக் கழித்த நீ 
இன்று நீ உன் முகம் கூட 
காட்டாமல் எங்கு போனாய் 

உன்னை நண்பன் என்று நினைத்த 
என்னை;நீ வெறும் நபர் 
என்று நினைத்து விட்டாயோ 

தவறு ஏதும் செய்திருந்தால் 
உரிமையாய் சுட்டிக் காட்டு 
ஆனால் தள்ளி வைத்து என் மனதைக் 
குத்திக் காட்டாதே 

என்றும் உன்னுடன் ஒரு நல்ல 
நட்பை விரும்பினேன் 
ஆனால் நீயோ என்னை வெறும் 
குப்பை என்று நினைத்து விட்டாயோ.......!?


பாகா 

உன்னைக் காதல் செய்

புதிதாய் காணும் ஒவ்வொருவரும் 
இவள் என்னவள் என்று கண்கள் கூறும் 
ஆனால் மனது கண்கள் கூறுவதை 
நம்பி ஏமாறாதே எனக் கூறும் 

நான் கண்கள் கூறியவற்றை நினைத்து 
ஆனந்தப்பட்ட சில நாட்களில் 
மனது வென்று விடும் 

இனிமேல் கண்களை நம்புவதில்லை 
என் காதலி என்னிடம் வரும் வரை 
அந்த இடத்தில் யாரையும் வைத்து ஏமாற விரும்பவில்லை 

என்னை என் காதலியை விட 
விரும்பும் ஒரு உயிர் உலகத்தில் உள்ளது 
ஆம் தினமும் என்னை காதலிக்கும் 
அந்த உயிர் என்னை மிகவும் ரசிக்கும் 

ஆம் அது வேறு யாருமில்லை நான் தான் 
நம்மைத் தவிர வேறு யாரால் நம்மை 
மிகவும் நேசிக்க முடியும் 
நம்மை காதலித்தால் வாழ்வு இனிதாகும்....!


பாகா 

சூரியனின் வெட்கம்

சூரியனிடம் வெட்கத்தை 
கண்டேன் 
மேற்கு வீட்டில் 
மேகம் எனும் திரைச்சீலையில் 
முகத்தை மறைத்துக் 
கொள்ளும் பொழுது.....!

பாகா  

என்னவன்

என்னவனுக்கு மட்டுமே என்னைத் 
தர வேண்டும் 
அதில் நான் பேரின்பம்  
பெற வேண்டும் 

என்னவன் என்னுடன் மட்டுமே 
வாழ வேண்டும் 
அவனுடன் என் சந்தோசங்களை 
பகிர வேண்டும் 

என் நெஞ்சில் புதைந்துள்ள 
ஆசைகளை எல்லாம் 
அவன் கிளறி எடுத்து 
நிறைவேற்ற வேண்டும் 

நம் வாழ்நாள் முடியும் 
நேரம் வரும் போது 
இருவர் மூச்சும் ஒருசேர 
பிரிய வேண்டும்......!

பாகா 

ஜெயலலிதா அம்மாவுக்கு பிறந்த நாள் வாழ்த்துக்கள்

தமிழ்நாட்டின் என்றென்றும் ராணி நீ தான் 
அரசியலில் உன்னை தவிர்த்து ஒன்றுமே இல்லை 
கம்பீரத்துக்கே உருவம் கொடுத்தாய் நீ 

எதிரிகள் கூட்டமாக நின்று எதிர்த்த போது 
தனியாக  நின்று  மக்கள் படையோடு சேர்ந்து 
அவர்களை திக்குமுக்காட செய்தாய் நீ 

எத்தனையோ போராட்டங்கள் 
ஒரு துளி கண்ணீரும் இல்லை உன் கண்களில் 
சிரிப்பினால் வென்றாய் ஒவ்வொரு போராட்டத்தையும் 

மரணம் என்ற எமன் நடத்திய போராட்டத்தில் மட்டுமே 
நீ போராடி இறைவனடி சேர்ந்தாய் நீ தோற்கவில்லை 
எங்கள் இதயங்களில் என்றுமே நீ வாழ்கின்றாய் 

பெற்ற அம்மாவிற்கு அடுத்து உன்னையே அனைவரும் 
அம்மா என்றழைத்தனர், நீ மறைந்தாலும் எங்கள் நெஞ்சில் 
உன் சிரித்த முகம் நீக்கமற நிறைந்து இருக்கிறது...!

இவ்வுலகம் இருக்கும் வரை உன் புகழ் என்றுமே நிலைத்து நிற்கும் 
மக்களின் ராணிக்கு பிறந்த நாள் வாழ்த்துக்கள் 

பாகா  

மழை மேல் மண் கொண்ட காதல்

நீ என்னைத் தொட்டதும் 
பரவும் வாசனையை பிடிக்காதவர் 
எவரும் இல்லை 

நீ சிரிப்பதை யாரும் ரசித்ததில்லை 
அழுவதை ரசிக்காதவர் எவரும் இல்லை 

நீ வந்து என்னைத் தழுவும் போது 
என் உடலில் சூடு பறந்து போகும் 

நீ என்னை தீண்டியதன் 
விளைவாய் நான் பெற்றேன் 
பல பிள்ளைகளை 

நம் பிள்ளைகளால் இவ்வுலகம் 
தூய்மையான காற்றை சுவாசிக்கும் 

என்மேல் உனக்கு காதல் 
உன்மேல் எனக்கு காதல் 
நம்மேல் அனைவருக்கும் காதல் 

பாகா  

கடவுளுக்கு ஒரு கடிதம்

மனித ஜென்மம் கொடுத்ததற்கு நன்றி 
சந்தோசமாய் கழிந்தது 
என் சிறுவயது 

உடன்பிறப்புகளுடன் மகிழ்ச்சியாய்  கழிந்தது 
என் பருவ வயது 

பல கனவுகளுடன் இருந்தேன் 
கல்யாண வயதில் 

அழகானவனை எதிர்பார்க்கவில்லை 
நல்ல குணமானவனை பார்த்திருந்தேன் 

வந்தவனோ நல்ல குடிமகன் 
பிடிக்காமல் திருமண வாழ்வில் நுழைந்தேன் 

கிடைத்ததை பிடிக்க பழகிக் கொண்டேன் 
அவனின் குடியோ முற்றியது 

சந்தேக நோயும் வந்துவிட்டது 
சொல்ல முடியாத துயரங்களை 
நான் அனுபவித்தேன் 

புத்தி முத்தி போய்  சேர்ந்தான் 
இந்த உலகை விட்டு 

நான் குழந்தைகள் தெருவில் நிற்கின்றோம் 
கண்ணீருடன் வேண்டுகிறேன் மனித 
பிறவியே வேண்டாம் இறைவா.........


பாகா  

காதலின் அழகு

அழகு என்பது 
பார்வைகளின் மொழி அல்ல 
மனதின் உணர்வுகளை புரிந்து 
கொள்வதன் மொழி....

பாகா 

விழுந்து விட்டேன்

என் உயிரை நான் தேடுகிறேன்
அதை ஏன் உன்னுள்
ஒளித்துக்கொண்டாய்

என் மூச்சுக்காற்றை தேடுகிறேன்
அதை முழுவதும் ஏன் நீயே
நிரப்பிக்கொண்டாய்

என் நினைவுகள் அனைத்தையும்
மறந்து விட்டேன் நீ மட்டும்
ஏன் நினைவில் நிற்கிறாய்

என் இதயத்தை நீயே
திருடி விட்டு அதை ஏன் மறுபடி
தர மறுக்கிறாய்

என் நிழல் கூட உன்னையே
பின் தொடர்கிறது
ஒன்றும் புரியாமல்

என்னையும் அறியாமல்
விழுந்து விட்டேன்
உன்னிடத்தில் என்னைக்
கொடுத்து விட்டேன்.....!!

பாகா

வருவாயா

எங்கடா இருக்கிறாய்
என்று நீ இங்கே வருவாய்
எப்போது என்னுள் உன்னை கலப்பாய்

உனக்காக நானும் காத்திருக்கிறேன்
நீ என்று வருவாய் என
கண்கள் பூத்திருக்கிறேன்

வருடங்கள் பல கழிந்த பின்னும்
ஏன் இன்னும் என்னிடம் நீ
சேரவில்லை

தேசம் தாண்டி சென்றாயே
வேலைக்காகவா இல்லை
என்னை கள்ளக்காதலியாக்கும்
நிலைக்காகவா

நான் வேறு ஒருவருடன் சேர மாட்டேன்
நீ வராவிட்டால் நான் இவ்வுலகில்
வாழ மாட்டேன் என்று வருவாய் காதலா
என் கழுத்தில் மாலையிட வருவாயா
அல்ல என் மேல் மாலையிட வருவாயா .....!

பாகா 

வெளித்தோற்றம் நிலையற்றது

நீ தான் துணையென்று 
நான் உனை நம்பி வந்தேன் 
நீயோ என் மனதை பார்க்காமல் 
தோற்றத்தைக் கண்டு தள்ளி வைத்தாய் 
என் மனதில் கொள்ளி  வைத்தாய் 

வாழ்வதற்கு தேவை மனம் 
அழகு தோற்றம் அல்ல 
நீயோ அன்று என்னை விலக்கி வைத்தாய் 
என் தோற்றம் கண்டு 
இன்றோ உன் தோற்றம் 
அழகு போய்விட்டது நெருப்பில் வெந்து 
இன்றும் நான் உன்னை 
விரும்புகிறேன் உன் மனதை 

தோற்றம் அழகு நிரந்தரமல்ல 
அன்று உன்னிடம் இருந்த தோற்றம் 
இன்று இல்லை 
புரிந்து கொள்  மனமே சிறந்தது 
வெளியிலிருப்பவை நிலையற்றவை.....!

பாகா  

ஏன் என்னுள் இந்த மாற்றம்

தினம் தினம் வாழ்க்கையே கண்ணீரிலா 
தினம் தினம் அழுவதற்கே 
இந்த பிறவியா 

சந்தோச வாழ்க்கையே ஒரு கனவு தானா 
அன்றாடம் கவலைகளே தாக்கும் 
மாயம் ஏனோ 

என்னைச் சுற்றிலும் மனித இனங்கள் 
என்னைத் தொட்டுப் பார்க்க மட்டும் 
துடிக்கும் மனித இனங்கள் 

யார் என்னைப் பார்த்தாலும் 
கூசுகிறது 
அவர்கள் என்னைத் தாழ்த்திப் பேசுவது 
போலத் தோன்றுவது ஏனோ 

விலங்கினமாய் நான் பிறந்திருந்தால் 
காடுகளில் கூட்டத்தோடு நானும் வாழ்ந்திருப்பேன் 
பறவையாய் நானும் பிறந்திருந்தால் 
சுதந்திரமாய் நானும் பறந்திருப்பேன் 

மனிதனாய் என்னை ஏன் பிறக்க வைத்தாய் 
சில வித்தியாசத்தை ஏன் என்னுள் 
புகுத்தி விட்டாய்.....?!

பாகா  

குடிகார கணவன்

நான் உன்னை நம்பி 
உன் கைகளை பற்றிக் கொண்டு 
பல கனவுகளோடு கல்யாண 
வாழ்க்கையில் நுழைந்தேன் 

நீயும் என் கைகளை பிடித்து 
இழுக்கின்றாய் என்னை கொஞ்சுவதற்கு 
அல்ல என்னை அடித்து 
துன்புறுத்துவதற்கு 

நீ அடித்தாலும் தாங்கிக் 
கொள்கிறேன் ஆனால் நீ 
கூறும் சந்தேக வார்த்தைகள் 
எனை தினமும் கொல்கின்றன 

நான் உன் மனைவி பொறுத்துக்
கொள்வேன் நம் குழந்தைகள் 
பிற குழந்தைகளைப் பார்த்து 
பல கனவுகளுடன் வாழ்கின்றன 

ஏமாற்றி விடாதே அந்தப் பிஞ்சுகளை 
நீ திருந்தி விடுவாய் என்று 
பல முறை ஏமாந்தாலும் 
இன்னும் நம்பிக்கையுடன் இருக்கிறேன் 
நம் வாழ்வு சிறக்கும் என்று....!

பாகா 

கருவுற்ற தாயின் சந்தோசம்

என் செல்லமே 
உனை கருவில் சுமந்த போதே 
பல கற்பனைகளை சுமக்கிறேன் 

என் செல்லத்துக்கு 
தங்கத் தட்டில் சோறூட்டுவேன் 
வெள்ளிக் கிண்ணத்தில் பாலூட்டுவேன் 

மலடி என்ற சொல்லில் சிக்காமல் 
எனக்குத் தாய் என்ற பட்டத்தை 
கொடுத்த உனக்கு உன் உயிராய் 
என்றும் நான் இருப்பேன் 

நீ கொடுக்கும் கஷ்டங்களை 
இஷ்டமாக ஏற்றுக் கொண்டு 
உன் இஷ்டப்படி வளர்ப்பேன் 

உனை இவ்வுலகம் வியந்து 
பார்க்கும்படி பெரிய இடத்துக்கு 
கொண்டு வருவேன் என் செல்லமே 

என் வியர்வைத் துளிகளை 
உன் வாழ்வின் வெற்றிப் படிக்கட்டாக 
மாற்றுவேன்....!

பாகா  

ஜல்லிக்கட்டு பொங்கல்

இது வரை துரோகங்கள் நம்மை சூழ்ந்து
நின்று பிரித்து விட்டன 

இன்று அதே துரோகங்கள் நம்மை சேர்த்து விட்டிருக்கின்றன

இதழ்கள் பிரிந்து வார்த்தை உருவாகலாம் 
நாம் பிரிந்தால் துரோகிகள் உருவாகலாம்

சேர்ந்து நின்று உரிமையை நாம் கலாச்சார பாரம்பரியத்தை விடாது காப்போம் 
ஒன்று சேர்ந்து போராடுவோம் 
பொங்கட்டும் அன்றும் இன்றும் என்றும் 
ஜல்லிக்கட்டு பொங்கல்...

பாகா 

ஏர் தழுவுதல்

உனை குழந்தையாய் கண்டெடுத்து 
பிள்ளையென நான் வளர்த்து 
தெய்வமாய் உனை வணங்கி திருவிழா 
எடுக்கையிலே 

எங்கிருந்தோ வந்தார் சிலர் 
அவர்கள் பின்னால் இருப்பவர் பலர் 
உன்னை நாங்கள் அடித்தோமாம் 
துன்புறுத்தி பார்த்தோமாம்  என்று 
திருவிழாவை தடை போட்டு 
உனை வெட்டி கூறு போட்டு விற்றனர் 
வெளிநாட்டில் 

அதிகாரத்தில் இருந்தவர்களோ இருப்பவர்களோ 
ஒரு துரும்பையும் கிள்ளிப் போடாமல் 
மெத்தனமாய் இருந்து விட்டு 
மக்கள் மனதில் புரட்சி என்ற விதை போட்டு 
போராட்டம் வெடித்த உடன் 

இவ்வளவு காலத்தை வீணடித்து விட்டு 
நாடகத்தை அரங்கேற்ற நல்ல நேரம் 
பார்க்கின்றனர் 

திருவிழாவை தடை செய்ததை மனது தாங்கிக் கொள்ளும் 
பிள்ளை போல வளர்த்த உன்னை துன்புறுத்தியதாக சொல்வதை 
மனது தாங்கிக் கொள்ள முடியவில்லை 
இன்னமும்   காத்திருக்கிறோம் திருவிழாவை நடத்த 
கண்ணீருடன்....!

பாகா  

மருந்து

உன் காதல் தோல்விக்கு 
ஆறுதல் கூறத்தான் வந்தேன் 
ஒரு தோழனாய் 

ஆனால் என்னை உன் 
காதல் தோல்விக்கு மருந்தாக்கினாய் 

நட்பு என்ற வட்டத்திற்குள் 
நான் நின்றேன்  ஆனால் 
நீ வட்டத்தின் விட்டமாக என் 
மனதை தாக்கினாய் 

உன் செய்கைகள் என்னைக் 
கவர்ந்தன என்னையும் அறியாமல் 
உன்னை விரும்புகிறேன் 

நீயும் என்னை விரும்புகிறாய் 
ஆனால் ஏனோ ஒரு தயக்கத்தால் 
சொல்லாமல் கொல்கிறாய் 

நாம் வேறு வேறு மதம் என்றாலும் 
நீ கூறு உன் சம்மதத்தை 
யார் எதிர்த்து வந்தாலும் சேர்ந்து வாழலாம்....!!

பாகா 

புதிய உலகம்

எங்கோ விழுந்தேன் 
எங்கே விழுந்தேன் 
உந்தன் சிரிப்பைக் கண்டு 
என்னை மறந்தேன் 

என்னை உன்னுள் 
ஓளித்துக் கொண்டு 
என்னை நானே தேடிக் 
கொண்டு இருக்கிறேன் 

எதற்கு உன்னை என்னுள் ஒளித்து 
எந்தன் எடை கூட்டினாய் 

காதல் என்ற ஆட்டத்தில் 
எந்தன் கண்ணை கட்டி விட்டு 
நான் தடுமாறி நடப்பதை 
தொலைவில் நின்று ரசிக்கிறாய் 

இருவரும் நிலவுக்கு சென்றிடலாம் 
தனிமையில் நம்மை ரசித்திடலாம் 
அங்கு ஒரு புதிய உலகத்தை 
உருவாக்கிடலாம்....!

பாகா