வீடு

உயிருள்ள ஜென்மங்களை 
பாதுகாக்கும்  உயிரற்ற 
உயிர் ஜென்மம் நீ 

எங்கள் குடும்பத்தில் நீயும் 
ஒரு உறுப்பினர் தான் 
சந்தோசம் துன்பங்களில் 
பங்கு எடுக்கிறாய் 

உன்னை ராசி இல்லை  என்று 
நாங்கள் சொல்கின்றோம் 
உண்மை தான் எந்த ஒரு 
செயல் செய்தாலும் தோல்வி 
எதற்கெடுத்தாலும் தடை 

கேட்கிறது நீ சொல்லும் வார்த்தை 
மனிதர்கள் நீங்கள் செய்யும் 
தவறுகளுக்கு எங்கள் மேல் 
பழி போடுகிறீர்கள் 

உண்மை தான் மனிதர்கள் தானே 
உன்னை வாஸ்து பார்க்காமல் 
கட்டினார்கள்....!

பாகா 

நண்பனின் மரணம்

எங்கோ பிறந்து 
எந்த உறவும் இல்லாமல் 
நண்பன் என்ற உறவுடன் என்னிடம் வந்தாய் 

நான் உன்னுடன் சேர்ந்து படிக்கவில்லை 
உன்னிடம் அதிக நேரம் நான் செலவிடவில்லை 
ஆனால் சிறிது நாட்கள்  பழகினாலும் 
நான் உன்னை நல்ல நண்பனாக பார்த்தேன் 

நீ என்னவெல்லாம் ஆசைகளோடு 
இருந்தாயோ எனக்குத் தெரியவில்லை 
ஆனால் என்னுடைய ஆசை நீ 
மறுப்பிறவியிலும் எங்கள் நண்பனாக 
வர வேண்டும் 

மரணமே உன்னிடம் ஒரு கேள்வி 
கேட்க விரும்புகிறேன் 
இளமையில் வறுமை மிகவும் கொடியது 
என்று ஔவையார் பாடினார் 

வறுமையே கொடியது என்றபோது 
இளமைப் பருவம் கூட முற்றுப் பெறாத 
என் நண்பனைக் கொண்டு சென்றாயே 
மரணமே இது நியாயமா உன்னை சபிக்கின்றேன்!!!!!!!

பாகா  

ஓரவஞ்சனை

நான் உன்னைக் காதலிக்கிறேன் 
உனக்கும் என் மீது காதல் வரும் 
ஆனால் அது எப்போது 

நீ எனக்கு மட்டும் வேண்டும் என்று 
நினைக்கவில்லை 
ஆனால் எனக்கும் நீ வேண்டும் என 
நினைக்கின்றேன் 

எல்லாருக்கும் உன் மீது காதல் 
உனக்கோ சிலர் மீது மட்டும்  காதல் 
ஏன் இந்த ஓரவஞ்சனை 

உன் பார்வையை என்மேல் 
படர விடு 
எனக்குள் நீயும் வந்து விடு 
உன்னை எந்தன் சொந்தமாக்கி விடு 

என் காதலை  ஏற்றுக்கொண்டு 
என் வாழ்க்கையில் வந்து விடு 
               "வெற்றியே "

பாகா 

நம்பிக்கை

நம்பிக்கை என்ற தும்பிக்கை கொண்டு 
பல தடைகளை உடைத்திடலாம் 

விடாமுயற்சியை மனதில் கொண்டு 
எட்டாக்கனியையையும் பறித்திடலாம் 

தைரியம் என்பதை உன்னுள் கொண்டு 
பயத்தை நீயும் விரட்டிடலாம் 

முயற்சிகள் பல தோற்றாலும் 
இறுதியில் புகழ்ச்சியாய் நீ மாற்றிடலாம் 

குறைகளை பலர் கூறினாலும் 
அதை நிறைகளாய் மாற்றி முன்னேறிடலாம் 

தோல்விகளை நீ துரத்தி அடி 
அதை மண்ணில் போட்டு புதைத்து அடி 

வெறியோடு நீ துரத்தி சென்றால் 
வெற்றிகள் பல குவித்திடலாம் ....

பாகா 

கடவுளுக்கு என் மேல்

கடவுளுக்கு என் மேல் எவ்வளவு பாசம் 

அதனால் தான் அள்ளி அள்ளி 

சோகங்களை கொடுக்கின்றான் 

அவனுக்கு என் மேல் எவ்வளவு கருணை 

அதனால் தான் நிரம்பி வழியுமாறு 

தோல்விகளை கொடுக்கின்றான் 

அவனுக்கு என் மேல் எவ்வளவு காதல் 

அதனால் தான் இரவில் என்னை 

தூங்க விடாது செய்கிறான் 

அவனுக்கு என் மேல் எவ்வளவு அன்பு 

அதனால் தான் எனக்கு நிறைய 

கண்ணீரை கொடுக்கின்றான் 

அவனுக்கு என் மேல் எவ்வளவு மோகம் 

அதனால் தான் என்னை இவ்வுலகிற்கு 

கொண்டு வந்து உயர விடாமல் 

பல துயரங்களை கொடுக்கிறான்.....!!!

பாகா  

வாழ விடு

என்  வாழ்வில் 
உன் காலடிச் சுவடுகள் 

என் மனதில் 
உன் காதல் நினைவுகள் 

என் உதட்டில் 
உன் உதட்டின் ரேகைகள் 

என் உடலில் 
உன் விரல்களின் தீண்டல்கள் 

என் காதலை ஏற்று விட்டு 
எதற்கு ஒரு துணை தேடினாய் 

 வாழ்வெல்லாம் நீ மட்டுமே என்னுடன் 
என்று ஏன் நீ பொய் கூறினாய் 

இப்போதாவது என் இதயத்தை 
என்னிடம் தந்து விடு 
இவ்வுலகில் என்னை உயிருடன் 
வாழ விடு.......!

பாகா  

காதலை ஏற்காமல்

உன் கண்களுக்கு மை  பூசினாய் 
உன் வார்த்தைகளில் பொய் பேசினாய் 

உன் உதடுகளில் சாயம் தீட்டினாய் 
உன் நினைவுகளால் என்னை மாயமாக்கினாய் 

உன் புருவங்களை அழகாக்கினாய் 
உன் உருவங்களை எனது கனவாக்கினாய் 

முகத்துக்கு பவுடர் பூசினாய் 
அதில் என்னை தவிடுபொடியாக்கினாய் 

உதடுகளில் சிரிப்பை வைத்தாய் 
அதில் என்னை அள்ளி சுருட்டி வைத்தாய் 

செய்வதை எல்லாம் செய்துவிட்டு 
ஏன் என் காதலை ஏற்காமல் 
என்னை பாழாக்கினாய்...!

பாகா 

மருந்து உண்டா..!

இவ்வுலகில் எல்லாவித நோய்களுக்கும் 
மாத்திரை உண்டு மருந்தும் உண்டு 

காய்ச்சலுக்கு மருந்து உண்டு 
தூக்கத்திற்கு மருந்து உண்டு 
மரணத்திற்கு மருந்து உண்டு 

காதலுக்கு மருந்து உண்டா..!
நியாபக சக்திக்கு மாத்திரை உண்டு 

ஆனால் சில நியாபகங்களை மறப்பதற்கு 
மாத்திரை உண்டா...!

அவ்வாறு இருந்திருந்தால் காதலில் 
தோற்றவர்கள் மரணத்தை 
விரும்ப மாட்டார்கள்....!

பாகா 

பிறந்தது

எழுத்துக்கள் இருப்பதால் தான் 
வார்த்தை பிறந்தது 

கடவுள் இருப்பதால் தான் 
நம்மில் பக்தி பிறந்தது 

கேள்வி இருப்பதால் தான் 
பதில் பிறந்தது 

பெண் இருப்பதால் தான் 
ஆண் பிறந்தது 

நீ இருப்பதால் தான் 
அன்பே நான் பிறந்தது 

உன்னைப் பார்த்து தான் 
என் காதல் பிறந்தது 

நம்மைப் பார்த்து தான் 
நம் வெற்றி பிறந்தது...

பாகா 

தனலட்சுமி

தினம் தினம் தந்தாய் தரிசனம்
நீ இல்லையேல் எங்களுக்கு ஏது கரிசனம்

பணம் என்று சொன்னால் உறவுகள் கூடி வரும்
மடியில் கனம் ஒன்று வந்தால் தூக்கமும் ஓடி விடும்

தனம் என்ற சொல்லை உன்னில் வைத்தாய்
தினம் துன்பம் என்ற சொல்லை என்னுள் வைத்தாய்

உன் கைகளில் இருந்து கொட்டும் பணம்
பலர் சொற்கள் எனை வந்து கொட்டும் ரணம்

தனலட்சுமி என்ற பெயரைக் கொண்டாய்
பசி பட்டினியில் இருந்து எனை என்று காப்பாய்

தனலட்சுமி தனலட்சுமி என்று உனை துதித்தேன்
பணம் மட்டும் கையில் இல்லை என்று எண்ணித் தவித்தேன்...!

பாகா 

காதலுக்கு சாதி இல்லை

எனக்கு உன்னைப் பிடிக்கும் 
உனக்கும் என்னைப் பிடிக்கும் 

ஆனால் இவ்வுலகம் 
நம்மை வெறுக்கும் 

நீயும் நானும் வாழ்க்கையில்  ரசித்திட 
மனம் துடிக்கும் 

ஆனால் இச்சமுதாயம் நம்மை 
பிரித்திடத் துடிக்கும் 

காதல் என்ற வார்த்தை தவறா 
இல்லை காதலிப்பவர்கள் மேல் தவறா 

சாதி மதம் வரதட்சணை என்ற 
கொள்கையை ஒழிக்கப் பிறந்த 
காதலை ஏன் இன்னும் 
வெறுக்கின்றீர்கள்.....?!

பாகா

பயம்

பயமே ஏன் நீ என்னுள் வந்தாய் 
நான் வெறுத்தாலும் ஏன் பின் தொடர்ந்து 
வருகிறாய் !
அவ்வளவு காதலா என்மேல் உனக்கு 

எதற்கெடுத்தாலும் பயம் எல்லாமும் பயம் 
ஏன் எனக்கு பயம் 
எங்கே சென்றாலும் பயம் 
எங்கே நின்றாலும் பயம் 
ஏன் இந்த பயம் 

இந்த ஜென்மத்தில் வந்த பயமா 
இல்லை போன பிறவியில் இருந்து 
தொடரும் பயமா 
இல்லை வரப் போகும் பிறவியின் 
தொடக்கம் இந்த பயமா 

மனமே பயம் இல்லாத என்னை உருவாக்கு 
இல்லை இந்நிமிடமே என்னை இந்த 
மண்ணுக்கு இரையாக்கு......!

பாகா 

காதல் கொண்டாயோ

வேருக்கு மண்ணின் மேல் 
இருக்கும் பிணைப்பைப் பார்த்து
நீயும் என் கைகளைக் கொண்டு
உன்னை பிணைத்துக் கொண்டாயோ

மழைத்துளிகளுக்கு மண்ணின் மேல் 
உள்ள ஆசையால் வந்து நிலத்தை
அடைகின்றன அதைப் பார்த்து 
நீயும் என் மேல் உள்ள ஆசையால்
முத்த மழை பொழிந்தாயோ

காற்றுக்கு மரத்தின் மீது
கொண்ட விருப்பத்தால் இலைகளை 
கோதி விடுவது போல் நீயும்
என் மீது உள்ள விருப்பத்தால் 
என் கூந்தலை கோதி விடுகின்றாயோ 

வண்டிற்கு தேன் மீது உள்ள 
காதலைப் பார்த்து அன்பே
நீ என்னை காதல் செய்தாயோ.....

பாகா

என் உயிர் அப்பா

எனது உடலுக்கு உயிர்
கொடுத்தாய் நீ

எனது சிறுவயதில் 
எனது ஆசைகளை நிறைவேற்றினாய் நீ

நான்  கேட்டதை அளவுக்கதிகமாக
வாங்கிக் கொடுத்தாய் நீ

உனக்கு துன்பம் வந்தாலும்
என்னை சந்தோசப்படுத்தினாய் நீ

கூலி வேலை செய்தாலும் 
என்னை ராஜாவாக வளர்த்தாய் நீ

எனக்கு ஒரு தோழனாக
நின்று வழிகாட்டினாய் நீ

துன்பங்களை இன்பமாக்கினாய்
தோல்விகளை  வெற்றியாக்கினாய்

இனிவரும் பிறவிகளிலும்
நீயே எனக்கு தந்தையாக வர வேண்டும்..

பாகா

கொல்லும் அழகே

கருமையான புல்வெளி போன்று
உன் கூந்தல் 

அருவியின் அழகையே தோற்கடிக்கும் 
உன் நெற்றியில் வழியும் வியர்வை

அலை மேல் எழுந்து நிற்கும் 
உன் புருவங்கள்

துப்பாக்கித் தோட்டா போல் 
என் இதயத்தை துளைக்கும்
உன் கருவிழி பார்வை

கத்தியைப் போன்று கூர்மையாக
இருக்கும் உன் மூக்கு

மலரின் இதழ்களைப் போன்று
மிருதுவாக இருக்கும் உன் காது மடல்

தேனில் ஊறிய பலாச்சுளை போன்று
உன் இதழ்கள்
என்னைக் கொல்கின்றதே...

பாகா 

எப்போது வருவாய்

இவ்வுலகில் நான் உனக்காக வந்தேன்
உனக்காகவே வளர்கிறேன்
உனக்காகவே வாழ்கிறேன்

நீ என்று என் வாழ்வில் வருவாய்
எனைத் தேடி எப்போது வருவாய்
உன் உள்ளத்தை எப்போது தருவாய்

என் விரல்களோடு உன் விரல்கள் கோர்ப்பாயா
என் வெற்றி தோல்விகளில்
என்றும் துணையாக இருப்பாயா

என் வாழ்நாள் முழுவதும் என்னுடன்
இருப்பாயா
நாம் சேர்ந்து இவ்வுலகினில் வாழ்வோமா
இல்லை நான் மட்டும் வாழ்ந்து சாவேனா ....

பாகா 

நட்பு போதும்

நீ என்று என் வாழ்வில் வந்தாய் சகா 
எப்போது என் வாழ்வில் வந்தாய் சகா 

உனக்கும் எனக்கும் எந்த 
உறவுமில்லை 
ஆனால் இந்த உறவுக்கு பிரிவு 
என்றுமில்லை 

நட்பு இல்லாத இடமே இல்லை 
காதல் தோற்பது உண்டு 
நட்புக்கு தோல்வியே இல்லை 
காதலை வெறுப்பவர்கள் உண்டு 
நட்பை வெறுப்பவர்கள் எவருமில்லை 

நல்லவனாய் இரு 
நல்ல நண்பனாய் இரு 
உன் வாழ்க்கை சிறக்கும்....

பாகா  

கேள்விக்குறி

ஏன் எந்தன் வாழ்வில் வந்தாய் 
ஏன் என்னை ஏமாற்றிச் சென்றாய் 

எதற்கு என்னிடம் பொய்கள் கூறினாய் 
எதற்கு அதை மெய் போல் கூறினாய் 

எப்படி என்னை ஏமாற்றினாய் 
எப்படி காதலித்து ஏமாற்றினாய் 

எங்கே இன்று நீ ஓடினாய் 
எங்கே எனை விட்டு ஓடினாய் 

என்ன கூறினாய் என்னிடத்தில் 
என்ன செய்கிறாய் இவ்வுலகத்தில் 

ஏன்? எதற்கு?எப்படி?எங்கே?
என்ன? என்று உன்னிடம் 
கேள்வி கேட்காததால் நான் 
இன்று நிற்கிறேன்  
கேள்விக்குறியாய் "?"

பாகா 

இதயம் பறித்தாய்

நீ என் வாழ்வில் வந்தாய் 
மனதில் காதலைத் தந்தாய் 

சந்தோசமாய் என்னைக் கண்டேன் 
அதில் நான் உன்னைக் கண்டேன் 

இத்தனை வருட கனவு நினைவாகும் 
என்று நினைத்தேன் 
அது நடக்கவில்லை என்றபோது 
மிகவும் தவித்தேன் 

நான் உனக்கு முதல் இடம் 
என்று நினைத்தேன் 
நீயோ இரண்டாம் இடத்திற்கு 
என்னை உதறினாய் 

வேண்டாம் என்று உனை எடுக்க 
முயன்றேன் முடியவில்லை 
இன்றோ நான் எடுத்து விட்டேன் 
என் இதயத்தையே 
இனி என் இதயம் எவரிடமும் 
காதல் கொள்ளாது.....

பாகா  

காதலியாய்

ஏனடா என் காதலன் ஆனாய் 
எனை உயிரோடு கொல்லும் 
கொலைகாரனும்  ஆனாய் 

கனவுகள் பல தந்தவனே 
உன் நினைவுகளில் எனை 
புதைத்தவனே 

பல வேதனைகள் நான் 
தந்த பின்பும் ஏன் எனை நீ 
தொடர்ந்து வந்தாய் 

நண்பனாய் என்று இருந்தவனை 
ஏன் காதலனாய் எனை 
ஏற்க வைத்தாய் 

என் உயிர் பிரியும் என்று 
தெரிந்திருந்தால் அன்றே உனை 
தவிர்த்திருப்பேன் 

மறுஜென்மம் என்று ஒன்றிருந்தால் 
உன் காதலியாய் மீண்டும் வர வேண்டும்.....

பாகா  

வந்து விடு

வந்து விடு என் வாழ்வில் 
நீ மறுபடி வந்து விடு 

ஏனடி நீ பிரிந்தாய் 
என் உயிரினில் ஏன் கரைந்தாய் 

விழி மேல் இருக்கும் 
வில்லினால் ஏன் கணைகளை 
வீசினாய் என் மேல் 

தவறுகள் செய்தேன் மன்னித்து விடு 
நம் காதலை மறுபடி வாழ விடு...

பாகா 

நீ வேண்டும்

தேவதையே நான் உனக்கு 
தேவையடி என் வாழ்வில் 
நீ எனக்கு 

குழந்தையாய் அடி உன் சிரிப்பு 
அதில் தவழ்கிறேன் அடி 
தினம் நினைத்து 

குறும்புகள் நீ செய்கிறாய் 
அதில் என்னை கொல்லாமல் 
கொல்கிறாய் 

மறுக்கிறாய் நீ மறுக்கிறாய் 
என் காதலை ஏன் 
வெறுக்கிறாய் 

நாம் வாழும் வாழ்வெதற்கு 
எடுத்துக் காட்டாக திகழும் 
அது பிறர்க்கு 

ஏற்றுக்கொள் என் காதலை 

பாகா  

கண்டேன்

நேற்று தான் அடி உன்னைக் கண்டேன் 
இன்று நான் எனை உன்னில் கண்டேன் 
நாளை நாம் சேரும் கனவைக் கண்டேன் 

தொலைவில் அடி உன்னைப் பார்த்தேன் 
அருகினில் நான் வந்திடத் துடித்தேன் 
காதலை ஏன் சொல்லாமல் தவித்தேன் 

நானும் உன் நிழலாய்த் தொடர 
ஏனடி என் மனதை துரத்துகிறாய்.......

பாகா  

ஏக்கம்

நீ இல்லாமல் வாடுகிறேன் 
என் நிழலிலும் உன்னைத் தேடுகிறேன் 

நீ வருவாய் என ஏங்குகிறேன் 
உனைத் தருவாய் என தேங்குகிறேன் 

உன் உருவம் நான் நாடுகிறேன் 
என் பருவம் அதை தவறுகிறேன் 

எந்தன் கனவில் நான் புலம்புகிறேன் 
உன்னை அடைவேன் என நம்புகிறேன்.....

பாகா  

நட்பு

சூரியன் என்னை சுட்டெரித்தது 
காற்று என்னை வருடியது 
மழை என்னை குளிர்வித்தது 

தப்பு செய்யும் போது சுட்டெரிக்கும் சூரியனாக 
துன்பம் வரும் போது வருடிக் கொடுக்கும் காற்றாக 
சந்தோசத்தில் என்னை குளிர்விக்கும் 
மழையாக வரும் நட்புக்கு 
நான் தலை வணங்குகிறேன்....

பாகா 

இரவு

அந்த சூரியனிடம் கூறினேன் 
நிலவாய் மாறியது 

வானத்திடம் கூறினேன் 
நட்சத்திரங்களை வரவழைத்தது 

அந்த கற்றிடம் கூறினேன் 
தென்றலாய் மாறியது 
என் உயிரே நீ உறங்குவதற்கு ......

பாகா 

வெற்றி சிற்பம்

உன்னுடைய கவலைகளை கண்ணீர்த் 
திவலைகளாக மாற்று அந்த 

கண்ணீர்த் திவலைகள் தோல்வி 
என்னும் பாறாங்கல்லைக் கரைத்து 

வெற்றி எனும் சிற்பத்தை உருவாக்கும்....

பாகா 

குழந்தையின் கண்ணீர்

குழந்தைக்கு சூடு வைத்தான் தந்தை
பள்ளிக்கூடம் போகாததற்கு  அல்ல
வேலைக்கு போக மாட்டேன் என்றதால்.....?!!

பாகா

பெண்ணின் வேதனை

நான் கனியாக இருந்திருக்கலாம்
நெற்பயிராக இருந்திருக்கலாம்

தானிய வகைகளாக பிறந்திருக்கலாம்
மண்ணாக கூட இருந்திருக்கலாம்

அப்பொழுதாவது புழு பூச்சிகளை சுமந்திருப்பேன்....!

பாகா

தாயின் வேதனை

உன்னை வெயில் படாமல்
மழை விழாமல்

தாலாட்டி சீராட்டி 
வளர்த்தேன் தொட்டிலில்

நீ வெறுத்ததால்
நான் இன்றோ
முதியோர் இல்லக் கட்டிலில்....

பாகா

தாயாக ஒரு தாயின் ஏக்கம்

அத்தை,பெரியம்மா,சித்தி என்று 
கூப்பிட கூடி வந்தன உறவுகள்

அம்மா என்ற தொப்புள் கொடி 
உறவுடன் என்று வருவாய் என் செல்லமே...

பாகா

இயற்கையின் காத்திருப்பு

சூரியன் ஒளி கொடுக்காமல்

மொட்டுகள் மலராமல் 

பறவைகள் சத்தமிடாமல்

பூச்சிகள் ரீங்காரமிடாமல்

காத்திருக்கின்றன அன்பே 

நீ கண்களை திறப்பதற்காக...

பாகா

கனவுடன் வாழ்க்கை

பல கனவுகளுடன்
கல்யாண வாழ்க்கையில்
நுழைந்தேன்

இன்றும் கனவுடன்
வாழ்கிறேன் 

எப்போது என் உயிர் 
பிரியும் என்று குடிகார கணவனுடன்...

பாகா

காத்திரு

காத்திரு அன்பே காத்திரு
அரவணைக்கும் கைகளுக்காக காத்திரு

நீ கட்டித் தழுவும் இந்த தேகத்திற்கு 
காத்திரு

நீ சுவைக்கத் துடிக்கும் இந்த இதழ்களுக்கு 
காத்திரு

அந்த இனிய விழா நடந்தேறும் அன்பே 
காத்திரு

காலம் கனியும் அன்பே அதுவரை நீ
காத்திரு....

பாகா

தித்தி்க்கும் தீபாவளி

சட சடவென பட்டாசுகள்
வெடிக்க
டம் டும் என  வெடிகள் காதுகளை
பிளக்க
வானத்தைக் கிழித்து வானவேடிக்கைகள் 
வெடித்துப் பூக்க
அனைவரின் வீட்டிலும் தீப ஒளி
ஏற்றி கொண்டாடுங்கள்
தித்திக்கும் தீபாவளியை

தீபாவளி திருநாள் நல்வாழ்த்துகள் ... :)

பாகா

வெட்கம்

நீ தூரம் இருந்தால் 
அருகில் வர வேண்டி
துடிக்கிறேன்

அருகில் இருந்தால் எனை 
தீண்ட வேண்டி 
தவிக்கிறேன்

நீ தீண்ட வரும் போது
நான் மறுக்கிறேன்
அது ஏன் அன்பே....!

பாகா

வெற்றி கதவு

காலையில் கண்களைத் 
திறக்கும் போது

இன்று வெற்றி எனும்
கதவைத் திறக்க வேண்டும்
என்ற எண்ணத்தை உண்டாக்கு.....

பாகா

தவறே இல்லை

சரி என்று வரும் வரை 
தப்புகள் தவறே இல்லை 

தெளிவு வரும் வரை
குழப்பங்கள் தவறே இல்லை

அழகு வரும் வரை 
பருக்கள் தவறே இல்லை 

உறவு வரும் வரை
தனிமைகள் தவறே இல்லை

சேர்க்கை வரும வரை
பிரிவுகள் தவறே இல்லை

பொறுப்பு வரும் வரை 
குறும்புகள் தவறே இல்லை 

காதல் வரும் வரை 
ஏமாற்றம் தவறே இல்லை

குடும்பம் வரும் வரை 
சுதந்திரம் தவறே இல்லை 

வாய்ப்புகள் வரும் வரை 
காத்திருப்பு தவறே இல்லை 

வெற்றி வரும் வரை 
தோல்விகள் தவறே இல்லை


பாகா....

பெண் கல்வி

நான் இவ்வுலகில் மலர்ந்தேன் 
என்னைப் பெற்றவர்கள் மனம் வாடியது 

உற்றார் உறவினர்கள் அவர்களை 
சாடியது 

எனக்கும் என்னுடன் பிறந்தவனுக்கும் அவர்கள் 
அன்பில் வேறுபாட்டை காட்டியது  

பள்ளிக்கு சென்ற என்னை அடுப்பூத 
வைத்தது 

வயது வந்த  பருவத்தில் எனக்கு கழுத்தில் 
 தாலி  ஏறியது 

விபரம் அறியா பருவத்தில் எனக்கு 
குழந்தைகள் பிறந்தது 

இது தான் திருமணம் என்று புரிவதற்குள் 
என் கணவன் குடித்து குடித்து 
என் தாலி அறுந்தது 

படிப்புமில்லா கணவனுமில்லாமல் என் 
வாழ்க்கை தெருவில் நின்றது 

கஷ்டப்பட்டு உழைத்தேன் என் பெண் குழந்தை 
சந்தோசமாக பள்ளிக்கு சென்றது.....

பாகா 

பறக்குது மனசு

மெல்ல நான் பறந்தேன் 
லேசாக என்னை உணர்ந்தேன் 

மனதின் சுமை யாவும் 
மெழுகாக உருகக் கண்டேன் 

ஏன் இந்த மாற்றம் என்னுள் 
எனை  நானே கேட்கும் தருணம் 

திடீர் என்று எந்தன் நெஞ்சம் 
ஏன் இன்று இப்படி தஞ்சம் 

விடை புரியா கேள்விகள் இன்று 
என்னுள் புதைந்து கிடக்கிறதென்று 

எனக்குள்  நானே கேட்டுக் கொண்டேன் 
மனசுக்குள்  எனையே  பூட்டிக்  கொண்டேன்... 

பாகா 

என் பிரபஞ்சம்

எந்தன் சிறு  உலகத்தில் நீ நுழைந்தாய் 
 எனக்கு வேறு உலகம் காட்டினாய் 

தனிமை விரும்பியாய் இருந்த என்னை 
கை பிடித்து கூட்டிச்சென்று  உலகழகை காட்டினாய் 

வெறுமையான மனதில் மெல்ல மெல்ல 
முழுதாய் நீயே நிரம்பினாய் 

சிறுபிள்ளைத் தனமாக நடக்கும் போதும் 
உன் சிறு சிரிப்பினில் கொன்றாய் 

கோபப்பட்டுக்  குதிக்கும் போதும் 
உன் மௌனப் பார்வையில் வென்றாய் 

கங்காருவை போல என்னை உன் மடியில் 
வைத்து தாங்கினாய் 

உலகமே  இப்படித்தான் என்று காட்டிய 
என் பிரபஞ்சமே நீதான் அன்பே.....

பாகா   

கரை மீது கடல் கொண்ட காதல்

காதலர்களுக்கு நம் மீது காதல் 
எனக்கோ உன் மீது காதல் 

குழந்தைகள் நம்மைக் கண்டால் 
துள்ளி குதித்து விளையாடும் 

நான் உனைக் காண ஓடி வந்து 
தொட்டு விட்டு செல்கிறேன் 

நாம் ஆடும் விளையாட்டை 
அனைவரும் ரசிப்பர்  

விளையாட்டு வினையானால் 
அனைவரும் துடிப்பர் 

நாம் சேர்ந்து வாழ நினைத்தால் 
உலகம் அழியும் 

ஓடி வந்து தொட்டு செல்லும் 
இந்த காதல் விளையாட்டே போதும் 
எனக்கு.... 

பாகா 

பாகாவின் பிதற்றல் கவிதைகள் appa

வெற்றி

மனசு

பறக்க தவிக்குது மனசு 
எல்லாம் மறந்து பறக்க துடிக்குது மனசு 

லேசாய் உணர்கிறேன் என்னை 
மனதில் புதிதாய் ஒரு வித எண்ணம் 

அனைவரும் எனையே பார்க்க 
வெட்கித் தவிக்குது மனசு 

எனக்குள் மட்டுமா மாற்றம் இல்லை 
அன்பே உனக்குள்ளும் உண்டோ இந்த மாற்றம் 

கேள்வி கேட்டு கேட்டு குதிக்கும் இதயம் 
எனக்குள் எப்போது  வந்தது இந்த உதயம்.....

பாகா 

பிள்ளையார்

அழகுக் கடவுள் முருகனின் அண்ணனே
ஆணை முக கடவுளே

எலியை வாகனமாய் கொண்டவனே
எங்கள் வலிகளை போக்குபவனே

துதிக்கையை கொண்டவனே
உனை துதிப்போரை காப்பவனே

குழந்தைகளுக்கு பிடித்த கடவுளே
தொந்தி கணபதியே உன்னை வணங்குகின்றேன்.....

பாகா

மரம்

என்னை அனைவரும் அடித்தார்கள் நான் 
பொறுமையாகவே இருந்தேன் 

என் உடம்பில் கீறல்களை உண்டாக்கினார்கள் 
அமைதியாய்  இருந்தேன் 

என் மேல் கல் விட்டு எறிந்தார்கள் 
அப்போதும்  புன்னகையை சிந்தினேன் 

என் மேல் ஏன் இவ்வளவு கோபம் 
பலருக்கு 

என்னை வெட்டாதீர்கள் மாறாக என்ன வேணாலும் 
துன்புறுத்துங்கள் 

உங்கள் கோபம் தீர என்னை  மண்ணில் இட்டு புதையுங்கள் 
நான் துளிர்த்தெழுந்து உங்களுக்கு மட்டுமல்ல 
உங்கள் சந்ததியினருக்கும் உதவி செய்வேன் 

உலகை காப்பாற்ற என்னை மண்ணில் இட்டு புதையுங்கள் 
கண்ணீருடன் வேண்டுகிறேன்......


பாகா 

அப்பா

விபரம் அறியா பருவத்தில் எனக்கு 

எல்லாமும் நீ தான் 

மழலை தாண்டிய பருவத்தில் எனக்கு 

உலகமும் நீ தான் 

வயது வந்த பருவத்தில் எனக்கு 

நண்பனும் நீ தான் 

நமக்குள் சிறு இடைவெளி வரும் வயதிலும் 

எனக்கு  ஹீரோவே நீ தான் 

வேலை கிடைக்காத  நேரத்தில் எனக்குள் 

தன்னம்பிக்கையை தூண்டியது நீ தான் 

இதுவும் கடந்து போகும் பிரச்சனைகள் உடைந்து 

போகும் என்று உறுதுணையாய் நின்றதும் நீ தான் 

இதுவரை என் வாழ்நாளில் உங்களுக்கு எதுவும் 

செய்ததில்லை 

கடவுள் என்னிடம் வந்து வரம் கொடுத்தால் 

என் அப்பாவிற்கு நீண்ட ஆயுளையும் ஆரோக்கியத்தையும் 

கொடுக்க கேட்டு கொள்வேன் .....

I Love You அப்பா 

பாகா 

வெற்றி

வானம் உன் கையில் இல்லை
பூமி உன் கையில் இல்லை
உந்தன் வாழ்க்கை உந்தன் கையில் இருக்கின்றதே

தோல்வி அதை கொன்னுப் போடு
வெற்றி அதை நெஞ்சில் போடு
உலகம் உன் பெயர் சொல்லி நடை போடும்

அச்சங்கள் அது உன்னை கொல்லும்
வை நம்பிக்கை என்ற ஒரு சொல்லும்
நம்பிக்கை என்ற சொல் போதும்
அதுவே நம் வெற்றியின் முதல் படியாகும்...

பாகா

முயற்சி ஆரம்பம்

எல்லாருக்கும் வணக்கம் என் பெயர்  பா.காளிகுமார்   நான்  இங்கு எனது கவிதை என்ற பிதற்றல்களை பதிவிட       இருக்கின்றேன் நீங்கள் உங்கள் ஒய்வு 

நேரத்தில் இங்கு வந்து பார்த்து உங்கள் கருத்துக்களை  தெரிவிக்க விரும்புகின்றேன் இது என்னுடைய முதல் இணையதள பதிவு முயற்சி ஆதரவு  தெரிவியுங்கள் நன்றி.